Төрийн өмчийн хорооны ээлжит хуралдаан 2010 оны 01 дүгээр сарын 21-ний өдөр болж 14 асуудал хэлэлцэж шийдвэрлэлээ. “Эрдэнэс МГЛ” ТӨХХК, “Монгол тамга”ТӨҮГ, “Монгол кино нэгтгэл” ТӨҮГ-ын 2010 оны эдийн засгийн үндсэн үзүүлэлт, зорилтот түвшинг батлаж, Дэлхий өв Увс нуурын ай савын Улсын тусгай хамгаалалттай газрын хамгаалалтын захиргааны конторын хуучин барилга байгууламж, Сэлэнгэ аймгийн Сайхан сумын Хөтөл дэх Сум дундын 3-р шүүхийн конторын хуучин барилга, “Увс АЗЗА” ТӨХК-ийн конторын хуучин барилга зэрэг обектын хувьчлалын тайланг батлав. Мөн Увс аймгийн Орон сууц хувьчлах товчооны 2008.01.01-ний өдрийн 1 тоот тогтоол, орон сууц өмчлөх 0110658 тоот гэрчилгээг тус тус хүчингүй болгож, Сангийн яам-Гааль эдийн засгийн дээд сургууль, “Сэргээгдэх эрчим хүчний үндэсний төв” ТӨҮГ- Улаанбаатар цахилгаан түгээх сүлжээ, “Эрчим хүчний газар”, ТЕГ, “Дэлхийн зөн Монголд ОУБ-УМХГ, Баянхонгор аймгийн НДХ, Цөмийн энергийн газар зэрэг нийт 7 байгууллагын үндсэн хөрөнгийг балансаас балансад шилжүүлэх, худалдах, худалдан авах зөвшөөрөл олгох зэрэг асуудлыг хэлэлцэн шийдвэрлэв.